Ліхадзедаў, У. А. Знічкі Айчыны : гісторыя Беларусі ў старых паштоўках

Ліхадзедаў, У. А. Знічкі Айчыны : гісторыя Беларусі ў старых паштоўках / У. А. Ліхадзедаў, А. М. Карлюкевіч ; паштоўкі У. А. Ліхадзедава. – Мінск : Литература и Искусство, 2008. – 264 с. : іл.

Імя калекцыянера У. Ліхадзедава сёння добра вядома гісторыкам і знаўцам мінулага сваёй Айчіны. Чарговая кніга – знаёмства з новымі знаходкамі і адкрыццямі збіральніка паштовак векавой даўнасці.

Кніга збіраецца з 30 раздзелаў, кожны з якіх распавядае пра канкрэтны куточак Бацькаўшчыны: Ашмяны, Валожын, Вілейку, Клецк, Мсціслаў, Полацк, Свіслач, Стоўбцы, Чэрвень і шэраг іншых беларускіх гарадоў і мястэчак. Характэрная рыса гэтага выдання, у адрозненне ад падобных, што пабачылі свет у апошнія гады ў айчынных выдавецтвах, — у невялікіх каментарыях да раздзелаў літаратар і краязнавец А. Карлюкевіч, з добрым веданнем гісторыі, літаратуры, мастацтва, музыкі і іншых сумежных галін нашай культуры, цікава і захапляюча расказвае пра тыя знакамітыя постаці пісьменнікаў, мастакоў, кампазітараў, вучоных, чый лёс так ці інакш звязаны са згаданымі паселішчамі роднага краю.